தங்கையின் கடிதம்

அக்கறை காட்டுவதால்,

அறிவுரை நீட்டுவதால்,

நலம் நாடுவதால்,

நல்வழி நடத்துவதால்,

நீ இன்னொரு தந்தை...

"புரிதலில் புலமை,

ஆளுமை திறனுள்ள ஆறுதல்,

அனைத்தையும்

நேர்த்தியாக பகிர்ந்து கொள்ளும் நேர்மை",

இவைகளால்
நீ என் 'நண்பன்'...

'வார்த்தைகளில் வழியும் வாஞ்சை,
திட்டும் போதும் சொட்டும் நேசம்,

கோபத்திலும் கொடுஞ்சொற்கள் வாரா நிதானம்',

இவற்றையெல்லாம் நான் கண்டது

உன்னில் மட்டும் தான்...

'உன் அனுபவம்'

எனக்கு பக்குவம் பயிற்றுவிக்கும் 'பாடம்',
'என் ஆசைகள்'

நீ நிறைவேற்ற துடிக்கும் 'நேர்த்திக்கடன்'...

அண்ணா!
நீ எந்தன்
இரண்டாம் தந்தை,

முதல் நண்பன்...